រៀបចំគម្រោងសម្រាប់ការពារខ្លួនពីបញ្ហារចៃដន្យនានា

គម្រោងសុខភាពរបស់មេនូឡាយហ្វ៍ នឹងជួយសម្រាលបន្ទុកចំណាយផ្នែកវេជ្ជសាស្រ្តខ្ពស់សម្រាប់លោកអ្នក និងគ្រួសាររបស់លោកអ្នក

តើល្អយ៉ាងណាទៅ ប្រសិនបើយើងអាចរស់នៅដោយមិនបារម្ភអំពីការមានជំងឺឈឺថ្កាត់ ឬមានគ្រោះឧប្បត្តិហេតុមែននោះ? គម្រោងដ៏ល្អមួយនេះមិនមែនមានសម្រាប់តែលោកអ្នកប៉ុណ្ណោះទេ ប៉ុន្តែក៏សម្រាប់សមាជិកគ្រួសាររបស់លោកអ្នកទាំងមូលផងដែរ។ ទោះបីជាយើងគ្រប់គ្នាតែងតែមានសុបិនចង់ក្លាយជាមនុស្សដ៏អស្ចារ្យបំផុតយ៉ាងណាក៏ដោយ ជាការពិតយើងសុទ្ធតែអាចធ្លាក់ខ្លួនមានជំងឺ ឬមានឧប្បត្តិហេតុគ្រប់ពេលវេលាទាំងអស់។ រឿងនេះគឺពិតជាអាចកើតឡើងប្រាកដមែន ជាពិសេស ប្រសិននៅក្នុងគ្រួសាររបស់លោកអ្នកមាន កូនតូច ឬឪពុកម្ដាយដែលមានវ័យចំណាស់។

ទោះបីជាយើងមិនចង់គិតអំពីជំងឺ និងឧប្បត្តិហេតុយ៉ាងណាក៏ដោយ ជាពិសេសនៅពេលដែលយើងមានអារម្មណ៍ថាយើងមានភាពមាំទាំ និងសុខភាពល្អ ប៉ុន្តែពេលនេះគឺជាពេលដែលយើងត្រូវគិតអំពីបញ្ហាទាំងនេះហើយ។ ការការពារខ្លួនលោកអ្នក និងសមាជិកគ្រួសាររបស់លោកអ្នក គឺជាកិច្ចការដ៏ឆ្លាតវៃដែលត្រូវធ្វើ កុំចាំទាល់តែមនុស្សជាទីស្រលាញ់របស់យើងធ្លាក់ខ្លួនឈឺធ្ងន់ធ្ងរនោះទេ។

នៅពេលលោកអ្នកចាប់ផ្ដើមអនុវត្តជំហានដ៏សំខាន់នេះដើម្បីការពារខ្លួនពីបញ្ហារចៃដន្យនានា លោកអ្នកត្រូវតែប្រាកដថាលោកអ្នកបានជ្រើសរើសគម្រោងត្រឹមត្រូវដែលសមស្របតាមតម្រូវការរបស់គ្រួសារលោកអ្នក។ ឧទាហរណ៍ ជំងឺធ្ងន់ធ្ងរកំពុងកើតមានកាន់តែច្រើនឡើងនៅក្នុងសង្គមនាពេលបច្ចុប្បន្ន ដូច្នេះលោកអ្នកត្រូវប្រាកដថាលោកអ្នកទទួលបានការការពារគ្រប់ជ្រុងជ្រោយ​។ ប្រសិនបើមនុស្សជាទីស្រលាញ់របស់លោកអ្នក មានជំងឺធ្ងន់ធ្ងរណាមួយនោះ លោកអ្នកត្រូវការទំនុកចិត្តមួយដែលធានាថាពួកគាត់នឹងទទួលបានការព្យាបាលដ៏ល្អប្រសើរបំផុត។

បញ្ហាគឺនៅត្រង់ថា យើងតែងតែមិនអើពើទៅនឹងការការពារបែបនេះហើយបណ្ដែតបណ្ដោយទុកឱ្យហួសពេលរហូតទាល់តែបានដឹងដំណឹងអាក្រក់នោះ។ ប៉ុន្តែជារឿយៗ ទម្រាំតែដល់ពេលនោះគឺហួសពេលទៅហើយ ពីព្រោះលោកអ្នកនឹងមិន អាចទទួលបានការការពារនោះបានឡើយ។ ការការពារនេះគឺមិនអាចកាត់ថ្លៃបានឡើយនៅក្នុងស្ថានភាពបែបនេះ ដូច្នេះយើងចាំបាច់ត្រូវតែគិតអំពីការការពារខ្លួនរបស់យើងនៅ ពេលដែលយើង និងសមាជិកគ្រួសាររបស់លោកអ្នកនៅមានសុខភាពល្អ។ ពីព្រោះថាសុខភាពល្អបែបនេះ មិនឋិតថេររហូតនោះទេ។