ខេត្តសៀមរាបត្រៀមទទួលភ្ញៀវទេសចរជាង១ម៉ឺននាក់ តាមរយៈព្រឹត្តិការណ៍រត់ម៉ារ៉ាតុងក្រោមការឧបត្ថម្ភផ្ដាច់មុខដោយក្រុមហ៊ុន Manulife

សេចក្តីប្រកាសព័ត៌មាន

ថ្ងៃទី ១៦ ខែកញ្ញា ឆ្នាំ២០២៤

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក៏បានបញ្ជាក់ពីវត្តមានដ៏ខ្ពង់ខ្ពស់របស់សម្ដេចក្នុងការចូលរួមព្រឹត្តិការណ៍រត់ប្រណាំងនៅចុងឆ្នាំនេះផងដែរ នៅក្នុងឱកាសបើកការដ្ឋានសាងសង់ជាផ្លូវការនូវសារមន្ទីរមួយក្នុងបរិវេណវត្តរាជបូណ៌ ខេត្តសៀមរាប កាលពីខែកក្កដា ឆ្នាំ២០២៤កន្លងទៅ។ ឆ្នាំនេះ​ក៏ជាខួបគម្រប់​ ១១ ​ឆ្នាំរបស់ក្រុមហ៊ុន​ មេនូឡាយហ្វ៍ ក្នុងនាមជាម្ចាស់ឧបត្ថម្ភ​ផ្ដាច់មុខ ហើយ​ភាពជាដៃគូគាំទ្រដ៏យូរអង្វែងនេះ​បានឆ្លុះបញ្ចាំង​ពី​​ការប្តេជ្ញាចិត្តរបស់ក្រុមហ៊ុនក្នុងការគាំទ្រ​រាជរដ្ឋា​ភិបាលកម្ពុជា និងគណៈកម្មាធិការជាតិអូឡាំពិក​ ដើម្បីបម្រើឱ្យគោលបំណងជួយប្រជាជនកម្ពុជា​ឱ្យរស់នៅ​ប្រកបដោយសុខភាពល្អ និងជីវិតកាន់តែ​ប្រសើរ​។

ជាក់ស្តែង កាលពីឆ្នាំ ២០២៣ ព្រឹត្តិការណ៍នេះបានទាក់ទាញអ្នករត់ប្រណាំងជាង ១០ ១៥៤ នាក់មកពី ៧៨ ប្រទេសទូទាំងពិភពលោកមកកាន់ទឹកដីខេត្តសៀមរាប ដែលក្នុងនោះមានការចូលរួមពីអ្នករត់ក្នុងស្រុកប្រមាណជាង ៦​ ០០០ នាក់ផងដែរ។ ក្រៅពីជាម្ចាស់ឧបត្ថម្ភគាំទ្រ ក្រុមហ៊ុន មេនូឡាយហ្វ៍​ ក៏បាន​រៃអង្គាស​ថវិកាជួយ​ដល់មន្ទីរពេទ្យ កុមារអង្គរសរុបជាង ៦៥០ ០០០ ដុល្លារអាមេរិក ក្នុងចំណោមបុគ្គលិករបស់ខ្លួនទូទាំងពិភពលោក​ ហើយកុមារកម្ពុជាជាង ១៧ ៤០០នាក់ នាក់​ត្រូវបានជួយសង្គ្រោះ​តាមរយៈការរៃអង្គាសថវិកា​នេះគិតតាំងពីឆ្នាំ ២០១៥​ មក

គិតមកទល់ពេលនេះ​​ ព្រឹត្តិការណ៍រត់ប្រណាំងអន្តរជាតិពាក់កណ្តាលម៉ារ៉ាតុង​កំពុងបន្ត​ទទួលការ​ចុះឈ្មោះ ហើយរំពឹងថានឹងមាន​ការចូលរួមយ៉ាងច្រើនកុះករពីប្រជាជននៅជុំវិញពិភពលោក​ច្រើនជាងឆ្នាំណាៗទាំងអស់ក្នុងនៅថ្ងៃទី ១ ខែធ្នូ ឆ្នាំ២០២៤ ខាងមុខនេះ។

ដើម្បីទទួលព័ត៌មានបន្ថែម និងព័ត៌មានថ្មីៗពី​ក្រុមហ៊ុន​ មេ​នូ​ឡាយ​ហ្វ៍​ ខេមបូឌា  សូម​​តាម​ដាន​ទំ​ព័រហ្វេសប៊ុក «Manulife Cambodia»  តាម​រយៈ www.facebook.com/ManulifeKH ឬ ​ចូល​ទៅកាន់​គេហ​ទំ​ព័រ www.manulife.com.kh។