ក្រុមហ៊ុន មេនូឡាយហ្វ៍ ខេមបូឌា រៀបចំ «រាត្រីនៃវឌ្ឍនភាព» ដើម្បីអបអរសាទរដល់ទីប្រឹក្សាធានារ៉ាប់រងឆ្នើម
សៀមរាប ថ្ងៃទី ២០ ខែកុម្ភៈ ឆ្នាំ២០២២៖ ក្រុមហ៊ុន មេនូឡាយហ្វ៍ ខេមបូឌា បានប្រារព្ធកម្មវិធីរាត្រីសមោសរដ៏ធំប្រចាំឆ្នាំដែលមានឈ្មោះថា «រាត្រីនៃវឌ្ឍនភាព» នៅប្រាសាទធម្មនន្ទ លើទឹកដីអង្គរ ខេត្តសៀមរាប ក្រោមការតុបតែងបែបសម័យកាលទស្សវត្សទី៥០ ដើម្បីអបអរសារទរដល់ទីប្រឹក្សាធានារ៉ាប់រងឆ្នើម និងប្រធានផ្នែកលក់ឆ្នើមជាច្រើនរូបសម្រាប់ការខិតខំប្រឹងប្រែង និងសមិទ្ធិផលនៅក្នុងឆ្នាំ ២០២១ ព្រមទាំងការចូលរួមចំណែករបស់ពួកគាត់ក្នុងការប្រឹក្សា និងផ្ដល់ការការពារអនាគតហិរញ្ញវត្ថុជូនដល់ក្រុមគ្រួសារកម្ពុជាផងដែរ។
លើសពីនេះទៀត ក៏មានកម្មវិធីប្រគល់ពានរង្វាន់ និងការទទួលស្គាល់ដល់សមាសភាពទីប្រឹក្សាធានារ៉ាប់រងឆ្នើមដែលបានជាប់ជាសមាជិកភាពលំដាប់ពិភពលោក Million Dollar Round Table (MDRT) ដែលក្នុងនោះរួមមាន សមាជិកភាពលំដាប់ពិភពលោក COT (Court Of the Table) ចំនួន ១ រូប សមាជិកភាពលំដាប់ពិភពលោក MDRT (Million Dollar Round Table) ចំនួន ២៤ រូប និងទីប្រឹក្សាធានារ៉ាប់រងឆ្នើមជាច្រើនរូបទៀតដែលបានសម្រេចជោគជ័យនូវផែនការប្រចាំឆ្នាំ ២០២១។
លោក ពន្លឺ តុលា នាយកគ្រប់គ្រងនាយកដ្ឋានផ្នែកលក់របស់ក្រុមហ៊ុន មេនូឡាយហ្វ៍ ខេមបូឌា បានសម្តែងការកោតសរសើរថា៖ «ខ្ញុំបាទពិតជាមានមោទនភាពចំពោះសមិទ្ធិផលដ៏គួរអោយស្ងប់ស្ងែងដែលទីប្រឹក្សាធានារ៉ាប់រងយើងសម្រេចបាននៅក្នុងឆ្នាំ ២០២១។ ភាពជោគជ័យទាំងនេះសបញ្ជាក់ឲ្យឃើញពីការខិតខំប្រឹងប្រែងរបស់ទីប្រឹក្សាធានារ៉ាប់រងយើងក្នុងការជួយដល់អនាគតក្រុមគ្រួសារកម្ពុជាតាមរយៈការផ្តល់ជូននូវការប្រឹក្សាធានារ៉ាប់រងជូនប្រជាពលរដ្ឋកម្ពុជា ដើម្បីធានាថាពួកគាត់នឹងទទួលបាននូវអនាគតហិរញ្ញវត្ថុមួយដ៏រឹងមាំស្របទៅតាមចង្ខុវិស័យរបស់ក្រុមហ៊ុនយើង។»
ដើម្បីក្លាយជាទីប្រឹក្សាធានារ៉ាប់រងរបស់ ក្រុមហ៊ុន មេនូឡាយហ្វ៍ ខេមបូឌា សូមចូលទៅកាន់ https://www.manulife.com.kh/km/careers-with-us/insurance-advisor.html