ក្រុមហ៊ុន មេនូឡាយហ្វ៍ ចាប់ផ្តើមយុទ្ធនាការសប្បុរសធម៌ទូទាំងសកលឆ្នាំ 2021
ទីក្រុង TORONTO ប្រទេសកាណាដា – ដើម្បីចូលរួមគាំទ្រស្មារតីនៃការធ្វើឱ្យជីវិតកាន់តែប្រសើរក្នុងពេលឈានចូលឆ្នាំថ្មីខាងមុខនេះ ក្រុមហ៊ុន មេនូឡាយហ្វ៍ នឹងផ្តល់ជូនបុគ្គលិករបស់ខ្លួនចំនួន ៣៧ ០០០ នាក់ នៅជុំវិញពិភពលោកនូវទឹកប្រាក់ចំនួន ៥០ ដុល្លារកាណាដាសម្រាប់ម្នាក់ៗដើម្បីចូលរួមចំណែកក្នុងសកម្មភាពសប្បុរសធម៌នៅក្នុងសហគមន៍រៀងៗខ្លួន។ ចាប់ផ្តើមក្នុងឆ្នាំ ២០២០ យុទ្ធនាការ #ManulifeActofKindness នៅឆ្នាំនេះ និងផ្តល់ឱកាសឱ្យបុគ្គលិក មេនូឡាយហ្វ៍ នៅជុំវិញពិភពលោកបន្តសកម្មភាពសង្គមនេះ។
លោក Roy Gori អគ្គនាយកប្រតិបត្តិនៃក្រុមហ៊ុន មេនូឡាយហ្វ៍ ជាសកល បានមានប្រសាន៍ថា៖ «ភាពជោគជ័យរបស់ក្រុមហ៊ុនគឺអាស្រ័យលើភាពសុខុដុមរមនារបស់សហគមន៍ដែលយើងរស់នៅ ហើយយើងយល់យ៉ាងច្បាស់ថាគ្រានេះគឺជាពេលវេលាលំបាកមួយសម្រាប់មនុស្សគ្រប់រូប ក្រុមគ្រួសារ និងសហគមន៍ជាច្រើននៅជុំវិញពិភពលោក។ ខ្ញុំជឿជាក់ថា ការរួមគ្នាធ្វើសប្បុរសធម៌ ទោះបីតិចតួចក្តី អាចផ្តល់ផលវិជ្ចមានធំធេង ដូច្នេះហើយទើបយើងរៀបចំឲ្យមានយុទ្ធនាការ #ManulifeActofKindness ម្តងទៀត។»
តាមរយៈ ការបង្វែរថវិកាពីការប្រារព្ធពិធី និងអំណោយផ្សេងៗសម្រាប់បុគ្គលិកនាចុងឆ្នាំ ទើបបុគ្គលិកម្នាក់ៗមានឱកាសធ្វើសកម្មភាពសប្បុរសធម៌នៅក្នុងសហគមន៍របស់ពួកគាត់ដ៏មានអត្ថន័យបំផុត។
ក្រុមហ៊ុនក៏សូមលើកទឹកចិត្តដល់បុគ្គលិកឱ្យចែករំលែកសកម្មភាពសប្បុរសធម៌របស់ពួកគាត់នៅលើបណ្តាញសង្គមដោយប្រើប្រាស់ #ManulifeActofKindness។ រាល់សារដែលបានបង្ហោះ និងរឿងរ៉ាវនានានឹងត្រូវបានចែករំលែកនៅលើគេហទំព័រ www.manulife.com/actofkindness។
ក្រៅពីយុទ្ធនាការនេះ និងស្របគ្នាជាមួយគុណតម្លៃរបស់ មេនូឡាយហ្វ៍ ក្នុងការ «ធ្វើរឿងដែលត្រឹមត្រូវ» និង «ចែករំលែកមនុស្សធម៌» យើងក៏បានសហការជាមួយអង្គការដែលមានបេសកកម្មដូចគ្នាក្នុងការជួយប្រជាជនទូទៅឱ្យមានសុខភាពល្អ និងជីវិតប្រកបដោយសុវត្ថិភាពផ្នែកហិរញ្ញវត្ថុ។ យើងបានគាំទ្រដល់អង្គការទាំងនោះក្នុងទម្រង់ជាច្រើនរួមមានទាំងការបរិច្ចាគដោយផ្ទាល់ ការបរិច្ចាគតាមរយៈបុគ្គលិក និងការប្រកួតរៃអង្គាសប្រាក់។ ក្នុងឆ្នាំ ២០២០ ការបរិច្ចាគសរុបពីក្រុមហ៊ុនផ្ទាល់មានចំនួនដល់ទៅ ២១ លានដុល្លារ ហើយការបរិច្ចាគពីបុគ្គលិកសរុបមានចំនួន ៤.២ លានដុល្លារផងដែរ។
ក្រុមហ៊ុនក៏លើកទឹកចិត្តឲ្យបុគ្គលិកចូលរួមធ្វើការងារស្ម័គ្រចិត្តដើម្បីបង្កើនឥទ្ធិពលនៃការចូលរួមរបស់យើង ស្របពេលជាមួយគ្នានោះក៏ផ្តល់ឱ្យបុគ្គលិកនូវឱកាសពង្រឹងជំនាញរបស់ពួកគាត់ ពង្រីកបណ្តាញទំនាក់ទំនងក្នុងសង្គម និងផ្តល់ឲ្យសហគមន៍ដែលពួកគាត់ចង់ជួយ។ បុគ្គលិករបស់ មេនូឡាយហ្វ៍ បានធ្វើការស្ម័គ្រចិត្តចំនួន 31,795 ម៉ោងក្នុងឆ្នាំ ២០២០។
ដើម្បីទទួលព័ត៌មានបន្ថែម និងព័ត៌មានថ្មីៗពីក្រុមហ៊ុន មេនូឡាយហ្វ៍ ខេមបូឌា សូមតាមដានទំព័រហ្វេសប៊ុក «Manulife Cambodia» តាមរយៈ www.facebook.com/ManulifeKH ឬ ចូលទៅកាន់គេហទំព័រ www.manulife.com.kh។