សារពីលោក ចាន់ រដ្ឋា អគ្គនាយកប្រតិបត្តិ
សូមស្វាគមន៍មកកាន់ព្រឹត្តិបត្រព័ត៌មាន របស់ ក្រុមហ៊ុន មេនូឡាយហ្វ៍ ខេមបូឌា
រយៈពេល ៧ ឆ្នាំកន្លងមកនេះ គឺជាដំណើរប្រកបដោយភាពជោគជ័យមួយសម្រាប់ក្រុមហ៊ុន មេនូឡាយហ្វ៍ ខេមបូឌា ក៏ដូចជាសម្រាប់វិស័យធានារ៉ាប់រងអាយុជីវិតទាំងមូលនៅក្នុងប្រទេសកម្ពុជា។
បន្ទាប់ពីយើងចាប់ផ្តើមប្រតិបត្តការក្នុងទីផ្សារកម្ពុជានៅឆ្នាំ ២០១២ ក្នុងនាមជាក្រុមហ៊ុនធានារ៉ាប់រងអាយុជីវិតអន្តរជាតិដំបូងបំផុត យើងនៅតែបន្តការប្តេជ្ញាចិត្តរបស់យើងក្នុងការជួយកសាងអនាគតហិរញ្ញវត្ថុដ៏ល្អប្រសើរសម្រាប់ក្រុមគ្រួសារកម្ពុជា ហើយយើងសូមថ្លែងអំណរគុណយ៉ាងជ្រាលជ្រៅចំពោះការជឿទុកចិត្តរបស់ប្រជាជនកម្ពុជាជាង ១១ ម៉ឺននាក់មកកាន់ក្រុមហ៊ុន មេនូឡាយហ្វ៍។
ដើម្បីឆ្លើយតបទៅនឹងការកើនឡើងនៃតម្រូវការរបស់អតិថិជន និងពង្រឹងការយល់ដឹងស្តីពីការការពារហិរញ្ញវត្ថុ ក្រុមការងាររបស់យើងបានបង្កើតព្រឹត្តិបត្រព័ត៌មាននេះឡើងដើម្បីផ្តល់ជូនអតិថិជន និងសាធារណជននូវព័ត៌មានសំខាន់ៗក៏ដូចជាគន្លឹះល្អៗ ដែលនឹងជួយពួកគាត់ក្នុងការធ្វើផែនការសម្រាប់ជីវិតដែលកាន់តែប្រសើរសម្រាប់សុខភាព និងហិរញ្ញវត្ថុរបស់ពួកគាត់។
សមិទ្ធផលសំខាន់មួយក្នុងចំណោមសមិទ្ធផលផ្សេងទៀតរបស់យើងក្នុងរយៈពេល ៧ ឆ្នាំកន្លងមកនេះគឺសមត្ថភាពរបស់យើងក្នុងការជួយលើកកម្ពស់ការយល់ដឹងជាសាធារណៈស្តីពីវិស័យថ្មីនេះ (វិស័យធានារ៉ាប់រងអាយុជីវិត) តាមរយៈសិក្ខាសាលាអប់រំនិងសកម្មភាពផ្សព្វផ្សាយផ្សេងៗ។ ប្រជាជនកម្ពុជាជាង ១៣ ម៉ឺននាក់បានចូលរួមក្នុងសិក្ខាសាលាទាំងនោះ ហើយប្រជាជនគោលដៅស្ទើរតែទាំងអស់នៅកម្ពុជាបានស្គាល់ពីកិត្តិនាមរបស់ក្រុមហ៊ុន មេនូឡាយហ្វ៍។
តាងនាមឲ្យក្រុមហ៊ុន មេនូឡាយហ្វ៍ ខេមបូឌា ខ្ញុំសូមថ្លែងអំណរគុណដល់ ៖
- អតិថិជន៖ ដែលបានអនុញ្ញាតឱ្យយើងការពារអនាគតហិរញ្ញវត្ថុរបស់ពួកគាត់ ហើយខ្ញុំអាចធានាបានថាយើងនឹងបន្តយកអតិថិជនជាគោលនៃអ្វីគ្រប់យ៉ាងដែលយើងធ្វើ។
- បុគ្គលិក និងទីប្រឹក្សារធានារ៉ាប់រង៖ សម្រាប់ការខិតខំប្រឹងប្រែងក្នុងការធ្វើឲ្យអាជីវកម្មរបស់យើងរីកចម្រើន និងជួយឲ្យប្រជាជនកម្ពុជាទូទាំងប្រទេសអាចទទួលបានការធានារ៉ាប់រងអាយុជីវិតយ៉ាងងាយស្រួល។
- ក្រសួងសេដ្ឋកិច្ច និងហិរញ្ញវត្ថុ៖ សម្រាប់ការគាំទ្រជាបន្តបន្ទាប់ដល់ក្រុមហ៊ុន មេនូឡាយហ្វ៍ ខេមបូឌា ក៏ដូចជាវិស័យធានារ៉ាប់រងអាយុជីវិតតាំងពីវិស័យនេះចាប់កំណើតឡើង។
- ធនាគារដៃគូ៖ សម្រាប់ការជួយយើងក្នុងការណែនាំដល់អតិថិជនរបស់ធនាគារ នូវផលិតផល និងសេវាកម្មរបស់យើង។
- ដៃគូរគាំទ្រសហគមន៍៖ សម្រាប់ការសហការជាមួយយើងដើម្បីជួយគាំទ្រដល់សហគមន៍កម្ពុជា។
លោកអ្នកអាចស្វែងរកព័ត៌មានផ្សេងៗជាច្រើនទៀតនៅក្នុងព្រឹត្តិបត្រព័ត៌មាននេះ។ ខ្ញុំសង្ឃឹមថាលោកអ្នករីករាយក្នុងការអានព្រឹត្តិបត្រព័ត៌មាននេះ ហើយសូមបន្តតាមដាន នូវការចេញផ្សាយរបស់យើងជាបន្តបន្ទាប់ទៀត!
គន្លឹះសុខភាព
ដើម្បីការរស់នៅប្រកបដោយសុខភាពល្អប្រសើរ!
គន្លឹះហិរញ្ញវត្ថុ
ដើម្បីការរៀបចំហិរញ្ញវត្ថុដ៏ឆ្លាតវៃ!
ត្រូវការជំនួយ?
ទូរស័ព្ទមកកាន់ 1800 211 211 (ឥតគិតថ្លៃ)