តើប្រទេសណាខ្លះដែលឪពុកម្តាយកម្ពុជានិយមបញ្ជូនកូនទៅសិក្សា?

ដើម្បីជួយលោកអ្នកសម្រេចក្ដីស្រមៃបញ្ជូនកូនទៅសិក្សានៅបរទេស យើងមានការផ្តល់ជូនពិសេសសម្រាប់លោកអ្នកជ្រើសរើស

សម្រាប់ឪពុកម្តាយនៅកម្ពុជា ដែលកំពុងស្វែងរកទិសដៅសម្រាប់កូនដើម្បីបន្តការសិក្សានៅសាកលវិទ្យាល័យ ខាងក្រោមនេះគឺជាប្រទេសមួយចំនួនដែលមានភាពល្បីល្បាញលើគុណភាពប្រព័ន្ធអប់រំស្តង់ដារអន្តរជាតិ និងលំដាប់ពិភពលោក ស្តង់ដារនៃការរស់នៅមានសុវត្ថិភាព ព្រមទាំងវប្បធម៌ចម្រុះជាតិសាសន៍ បច្ចេកវិទ្យា ភាពច្នៃប្រឌិត ការប្រកួតប្រជែង ជាពិសេសឱកាសទទួលបានការងារ និងអនាគតកាន់តែប្រសើរ។

ប្រទេសអូស្ត្រាលី

ប្រព័ន្ធអប់រំមានគុណភាពខ្ពស់៖ ជាពិសេសសម្រាប់មុខជំនាញពាណិជ្ជសាស្រ្ត និងវិស្វកម្ម ក៏ដូចជាមុខជំនាញសិក្សាជាច្រើនទៀតដែលសិស្សនិស្សិតកម្ពុជាភាគច្រើនបានទៅសិក្សានៅទីនោះ។
ចម្រុះជាតិសាសន៍៖ មានឱកាសពង្រឹងផ្នែកទំនាក់ទំនងតាមរយៈការប្រាស្រ័យទាក់ទងជាមួយនិស្សិតមកពីតាមបណ្ដាប្រទេសផ្សេងៗជុំវិញពិភពលោក។
ស្តង់ដារនៃការរស់នៅ៖ ការរស់នៅក្នុងបរិយាកាសប្រកបដោយសុវត្ថិភាព និងការស្វាគមន៍រួសរាយរាក់ទាក់

សហរដ្ឋអាមេរិក

ជម្រើសជំនាញសិក្សាច្រើនសម្បូរបែប៖ មានមុខជំនាញសិក្សាច្រើនក្នុងការជ្រើសរើស ជាពិសេសភាពបន់បែនដែលនិស្សិតអាចផ្លាស់ប្ដូរជំនាញសិក្សាតាមតម្រូវការ។
សាកលវិទ្យាល័យកំពូលៗលំដាប់ពិភពលោក (The Ivy League)
វប្បធម៌ចម្រុះ៖ ប្រមូលផ្ដុំដោយវប្បធម៌ចម្រុះពីប្រជាជនគ្រប់ជាតិសាសន៍ ដែលផ្តល់នូវបទពិសោធន៍រស់នៅដ៏សម្បូរបែប។

ចក្រភពអង់គ្លេស

ភាពច្នៃប្រឌិត និងការប្រកួតប្រជែង៖ ផ្ដល់នូវបរិយាកាសសិក្សាប្រកបដោយភាពច្នៃប្រឌិត និងការប្រកួតប្រជែង ជាមួយបរិក្ខារសិក្សាទំនើប។
ឱកាសធ្វើដំណើរកំសាន្តទៅទ្វីបអ៊ឺរ៉ុប៖ មិនត្រឹមតែទទួលបាននូវប្រព័ទ្ធអប់រំប្រកបដោយគុណភាពតែនិស្សិតក៏មានឱកាសក្នុងការធ្វើដំណើរកម្សន្តជុំវិញ ទ្វីបអ៊ឺរ៉ុប និងបទពិសោធន៍ថ្មីៗជាមួយការចំណាយទាប។

ប្រទេសកាណាដា

គុណភាពប្រព័ន្ធអប់រំ៖ ឯកទេសមុខជំនាញវិទ្យាសាស្ត្រ ឬកម្មវិធីអប់រំ STEM និងប្រព័ន្ធអប់រំប្រកបដោយគុណភាព។
គុណភាពនៃការរស់នៅ៖ ជាមួយបទដ្ឋាននៃការរស់នៅមានស្តង់ដាខ្ពស់ និងសុវត្ថិភាព។

ប្រទេសនូវែលសេឡង់

ការបង្រៀន៖ តិចនិច និងស្តង់ដានៃការបង្រៀនឈានមុខគេ ជាមួយទំហំថ្នាក់រៀនតូច និងបច្ចេកវិជ្ជាទំនើប។
ឱកាសការងារ៖ ផ្ដល់ឲ្យនិស្សិតនូវឱកាសការងារទាំងក្នុងពេលសិក្សា និងក្រោយបញ្ចប់ការសិក្សា។

ប្រទេសស្វីស

ការបង្រៀន៖ វិធីសាស្ត្របង្រៀនបែបទំនើប បច្ចេកទេសក្នុងការបង្រៀនមានភាពជឿនលឿន និងមានបច្ចេកវិទ្យាខ្ពស់
វប្បធម៌ចម្រុះ៖ ប្រមូលផ្ដុំដោយវប្បធម៌ចម្រុះពីប្រជាជនគ្រប់ជាតិសាសន៍ ដែលផ្តល់នូវបទពិសោធន៍រស់នៅដ៏សម្បូរបែប។